پير بخاري2: دادو شهر جي پوليس هيڊڪوارٽر جي اوڀر، ڏکڻ واري ڪنڊ ۽ ريلوي اسٽيشن جي اولهه ۾ هڪ مقام آهي، اتي پير بخاري دفن ٿيل آهي، جڏهن 1947ع ۾ پاڪستان ٺهيو ته حبيب شاهه زيدي هتي آيو، جيڪو چڱو حڪيم به هو، حبيب شاهه خواجه معين الدين چشتي اجميريءَ جو مريد هو، هر سال اجميري چادر بخاريءَ جي مزار تي چاڙهيندو هو ۽ قوالي جي پڻ محفل ٿيندي هئي. 1985ع ۾ حبيب شاهه ڪراچيءَ لڏي ويو ۽ اتي وفات ڪيائين، پير بخاريءَ تي هر سال ميلو لڳندو آهي.